أعطت انتخابات رئاسة مجلس المستشارين يوم امس الثلاثاء خارطة سياسية اشبه بجوطية درب غلف فكازا. المعارضة مقدمة جوجت المرشحين: حكيم بنشماس عن البام وعبد الصمد قيوح عن الاستقلال.
تشثتت اصوات الاغلبية بين المرشحين: 18 ديال الحركة والتجمع الوطني للاحرار مشات لحكيم بنشماس و18 ديال العدالة والتنمية والتقدم والاشتراكية مشات لعبد الصمد قيوح. هاد الشي فالدورين الاول والثاني.
لكن اش نا هو العرض اللي قدمو كل مرشح للاغلبية باش يوقع هاد الشرخ؟ : الاستقلال اكد انه سيخرج من المعارضة باش يدير المساندة النقدية للحكومة. طبعا كاين مواقف ايديولوجية وشخصية من قبل العدالة والتنمية والتقدم والاشتراكية من حكيم بنشماس لانه محسوب على الجناح اليساري اللي عندو موقف واضح من الاسلاميين. هاد الشي كلو دفع البي جي دي والبي بي اس يدعمو الاستقلال. كاين معطى اخر “هدفنا هو الاعداد لتحالف مستقبلي قد يقود الحكومة المقبلة بين الاستقلال والعدالة والتنمية والتقدم والاشتراكية” يشرح قيادي من هذه الاحزاب ل”كود”.
اش نا هو عرض الاصالة والمعاصرة للتجمع الوطني للاحرار والحركة الشعبية؟ ما كاين حتى عرض لدعم الحكومة او مساندتها. البام واضح في مواقفه من حكومة يسيرها العدالة والتنمية. واخا هادو كلهم شكلو واحد الوقت “جي 8″ باش يشكلو حكومة ويتصادو للعدالة والتنمية.
بمقارنة بين العرضين يتضح ان عرض الاستقلال اكثر اغراء للاغلبية لانه سيسهل عليهم التواقف من اجل سنة اخيرة تمرر فيها قوانين بالاضافة الى قانون المالية في المجلسين: النواب والمستشارين، وعليه يتكرر السؤال: اش باقي كيدير مزوار والعنصر فهاد الحكومة؟ وعلاش مصر على التحالف مع البام سواء في انتخابات رئاسة الجهات او في انتخابات رئيس مجلس المستشارين؟
الخارطة السياسية الحالية عوجا فالتجمع الوطني للاحرار لا يؤمن الا بعش مع البام. يعتقد انه القريب اليه الداعم له والحركة الشعبية تعيش الشتات: مشاكل داخلية جعلت العنصر عاجزا عجزا تاما عن ضبط مرشحيه، فهو من اتصل بنبيل بنعبد الله الامين العام لحزب التقدم والاشتراكية ليلة الاثنين ليخبره ان مستشاريه العشر لن يصوتو على مرشح الاغلبية حسب مصدر حركي ل”كود”. المصدر اضاف ل”كود” ان مبرر العنصر هو عدم ترشيح حركي للمنصب ولما وعده بنعبد الله بسحب ترشيح اوعمو واقتراح مرشح حركي رد عليه العنصر “ما عندناش” يشرح مصدر “كود”.
دابا هاد العنصر ومزوار اللي فشل فشل ذريع فالوزارة وفالحزب يختارو ويخرجو للمعارضة يديرو بحال البام الناس كلهم غادين يحتارموهم.
احمد الطيب لـ كود
تعليقات